ഹിന്ദു ക്ഷേത്രങ്ങളിലെ ഉത്സവങ്ങള്‍


ആറന്മുള വള്ളസദ്യ

രുചി വൈവിധ്യങ്ങളുടെ നിറക്കൂട്ടുകൊണ്ട്‌ ലോകജനതയ്‌ക്കു മുന്‍പില്‍ മഹോത്‌സവം സൃഷ്ട്‌ടിച്ച മലയാളികളുടെ ഭക്ഷണ മാമാങ്കം - ആറന്മുള വള്ളസദ്യ. പത്തനംതിട്ട ജില്ലയിലെ ആറന്മുള പാര്‍ത്ഥസാരഥി ക്ഷേത്രത്തിലെ പ്രധാന വഴിപാടാണ്‌ വള്ളസദ്യ. കരക്കാരുടെ സമര്‍പ്പണമായാണ്‌ വള്ളസദ്യ നടത്തിപോരുന്നത്‌. രുചിയുടെ പെരുമ വിളിച്ചോതുന്ന 70 ലേറെ വിഭവങ്ങളാണ്‌ സദ്യക്കു വിളമ്പുക. സദ്യയ്‌ക്കായ്‌ ആയിരങ്ങളാണിവിടെ എല്ലാ വര്‍ഷവും എത്തിച്ചേരുക. വള്ളപ്പാട്ട്‌ പാടി ഭഗവാന്‍ പാര്‍ത്ഥസാരഥിയെ തൊഴുതുവണങ്ങി തുഴക്കാര്‍ സദ്യ കഴിച്ചുമടങ്ങുന്നു. വള്ളസദ്യയുടെ പ്രൗഢി വള്ളപ്പാട്ടിന്റെയും, ആരവത്തിന്റെയും, ആര്‍പ്പുവിളികളുടെയും ചുവടുകളുടെയും ആവേശത്തില്‍ നിറഞ്ഞുനില്‍ക്കുന്നു. വള്ളപ്പാട്ടിന്റെ ഈണത്തില്‍ പാട്ട്‌ പാടി വിഭവമാവിശ്യപ്പെടുന്നതും സദ്യയുടെ ഭാഗമാണ്‌. വള്ളസദ്യയ്‌ക്കു പങ്കെടുക്കുന്ന എല്ലാ ഭക്തര്‍ക്കും സദ്യ വിളമ്പുക എന്നത്‌ ക്ഷേത്ര വിശ്വാസത്തിന്റെ ഭാഗമാണ്‌.


സാംസ്‌കാരിക വാർത്തകൾ