കാഞ്ഞിരമറ്റം കൊടികുത്ത്

സൂഫി സന്യാസിയായ ഷേയ്ക് ഫരിദുദിന്റെ സ്മരണാര്‍ത്ഥം നിര്‍മ്മിക്കപ്പെട്ട കാഞ്ഞിരമറ്റം പള്ളി ഇവിടത്തെ കൊടികുത്ത് ഉത്സവത്തിന്റെ പേരില്‍ പ്രസിദ്ധമാണ്. ചന്ദനക്കുടം വഹിച്ചു കൊണ്ടുള്ള ഒരു ചടങ്ങാണ് ഈ ഉത്സവത്തിലെ പ്രധാന ആകര്‍ഷണം. രാത്രിയില്‍ അരങ്ങേറുന്ന ഈ ചടങ്ങില്‍ തീര്‍ത്ഥാടകര്‍ ചന്ദനം ചാര്‍ത്തിയ കുടങ്ങള്‍ പേറി പള്ളിയിലേക്ക് ഘോഷയാത്രയായി നീങ്ങുന്നു. നെറ്റിപ്പട്ടം കെട്ടിയ ആറ് ആനകളുടെയും നാടന്‍ കലാരൂപങ്ങളുടെ പ്രകടനങ്ങളും അകമ്പടി സേവിക്കാനുണ്ടാകും. ഒപ്പന, മാപ്പിളപ്പാട്ട്, ദഫ് മുട്ട്‌ , കോല്‍ക്കളി തുടങ്ങിയ കലാ വിരുന്നുകളും ഇതോടനുബന്ധിച്ച് നടത്താറുണ്ട്.


സാംസ്‌കാരിക വാർത്തകൾ